પોલીસ મહાનિરીક્ષક ચિરાગ કોરડીયા સરહદી રેન્જ કચ્છ-ભુજ તથા પોલીસ અધિક્ષક વી.કે.નાયી પાટણ દ્વારા ગેરકાયદેસર હથિયારના ગુન્હાઓ શોધી કાઢવા કરેલ સુચના આધારે જે.જી.સોલંકી પોલીસ ઇન્સ્પેક્ટર એસ.ઓ.જી. પાટણના માર્ગદર્શન હેઠળ એસ.ઓ.જી.ની ટીમ ચાણસ્મા પો.સ્ટે. વિસ્તારમાં પેટ્રોલીંગમાં હતી તે દરમ્યાન ખાનગી રાહે આધારભુત બાતમી મળેલ કે, સેવાળા ગામથી સેધા ગામ જતા રોડ ઉપર સેવાળાથી એકાદ કિમી દૂર રોડ ઉપર આવેલ કાચા નેળીયામાં એક ઇસમ દેશી હાથ બનાવટની બંદુક લઇને ફરે છે. જે આધારે સ્થળ તપાસ કરતા દેશી બનાવટની બંદુક સાથે ઇસમ મળી આવતા સદરી ઇસમને પકડી પાડી મજકુર ઇસમ વિરૂધ્ધમાં ચાણસ્મા પો.સ્ટે. આર્મ્સ એકટ કલમ- ૨૫(૧-બી)એ તથા જી.પી.એકટ કલમ-૧૩૫ મુજબનો ગુનો રજી. કરાવી આગળની ઘટતી કાર્યવાહી કરવા ચાણસ્મા પોલિસ સ્ટેશને સોંપવામાં આવેલ છે. ઉપરોક્ત ગુન્હા સંબધે જે.જી.સોલંકી, પોલીસ ઇન્સપેક્ટર, એસ.ઓ.જી. શાખા, પાટણ, ડી.કે.ચૌધરી પો.સ.ઈ. એસ.ઓ.જી, એ.એસ.આઇ. રણજીતસિંહ જગતસિંહ, અ.હેડ.કો. દિલીપકુમાર રાજુભાઇ, અ.પો.કો. ભરતજી હમીરજી સહિતના અધિકારી/કર્મચારીઓએ કામગીરી બજાવી હતી.
