શહેરીજનોની પ્રાથમિક સુવિધાઓને પ્રાધાન્ય આપી શહેરનો વિકાસ કરાશે : પ્રમુખ ચંદ્રિકાબેન રાવળ..
પાટણ તા. 21
પાટણ નગરપાલિકાના નવનિયુક્ત પ્રમુખ ચંદ્રિકાબેન પ્રહલાદભાઈ રાવળ, ઉપપ્રમુખ ઉત્કર્ષ ભરતભાઈ પટેલ, કારોબારી ચેરમેન નીલમભાઈ પટેલે આજે ગુરૂવારના પવિત્ર દિવસે વિધિવત રીતે 12:39 ના શુભ મુહૂર્તમાં પોતાનો ચાર્જ ગ્રહણ કરી શહેરના વિકાસ
ને વેગવંતો બનાવવાની ખાતરી આપી હતી.
આ પ્રસંગે જિલ્લા ભાજપ પ્રમુખ રમેશભાઈ સિઘવ, મહામંત્રી સંજય પટેલ સહિત ભારતીય જનતા પાર્ટીના આગેવાનો, કાર્યકર્તાઓએ મોટી સંખ્યામાં ઉપસ્થિત રહી નગરપાલિકાના સત્તારૂઢ બનેલા પ્રમુખ, ઉપપ્રમુખ અને કારોબારી ચેરમેન સહિત તમામ ટીમને મો મીઠું કરાવી શુભેચ્છાઓ પાઠવી હતી.
પાલિકા ના નવનિયુક્ત પ્રમુખ- ઉપપ્રમુખ અને કારોબારી ચેરમેન ઢોલ નગરા સાથે પોતાના સમરસાથેને લઈ પગપાળા પાલિકા ખાતે પહોંચી વડાપ્રધાન નરેન્દ્ર મોદીના પેટ્રોલ ડીઝલ બચાવવાના સંકલ્પને સાકાર કર્યો હતો.
પાલિકા પ્રમુખ ચંદ્રિકાબેન રાવળે પદ ભાર સંભાળ્યા બાદ નગરજનોની પ્રાથમિક જરૂરિયાત જેવી કે રોડ- રસ્તા, સ્ટ્રીટ લાઈટ, પાણી, ભૂગર્ભ ગટર અને સ્વચ્છતા બાબતે ના જે જે વિસ્તારોમાં પ્રશ્નો છે તેનું પ્રથમ નિરાકરણ લાવવા તેમજ શહેરના વિકાસમાં સૌને સહકાર આપવા વિનંતી કરી હતી ત્યારબાદ તેઓએ નગરપાલિકાની વહીવટી કામગીરી મા પોતાના હસ્તાક્ષર કરી પ્રમુખ તરીકે ની જવાબદારી સંભાળી હતી.
આ પ્રસંગે નગરપાલિકા ના ચિફ ઓફિસર હિરલબેન ઠાકર, પૂવૅ પાલિકા પ્રમુખ હિરલબેન પરમાર સહિત ભાજપના આગેવાનો, કાર્યકરો સાથે પાલિકાના કમૅચારીઓએ નવનિયુક્ત પ્રમુખ ચંદ્રિકાબેન રાવળ ને મો મીઠું કરાવી શુભેચ્છાઓ પાઠવી હતી.
