પાટણ: જિલ્લામાં લોકોના આરોગ્ય સાથે ચેડા કરતા નકલી ડોક્ટરો સામે પોલીસે લાલ આંખ કરી છે. પાટણ સ્પેશિયલ ઓપરેશન ગ્રુપ (SOG) ની ટીમે શંખેશ્વર તાલુકાના પાડલા ગામે દરોડો પાડી મેડિકલ ડિગ્રી વગર પ્રેક્ટિસ કરતા એક બોગસ ડોક્ટરને ઝડપી પાડ્યો છે.
બાતમીના આધારે પાડ્યો દરોડો
એસ.ઓ.જી. પોલીસ ઇન્સ્પેક્ટર જે.જી. સોલંકીના માર્ગદર્શન હેઠળ ટીમ શંખેશ્વર વિસ્તારમાં પેટ્રોલિંગમાં હતી. 22આ દરમિયાન બાતમી મળી હતી કે પાડલા ગામે નાકાશેરીમાં આવેલી એક દુકાનમાં એક શખ્સ કોઈ પણ જાતની માન્ય મેડિકલ ડિગ્રી કે લાયસન્સ વગર ડોક્ટર તરીકે પ્રેક્ટિસ કરી રહ્યો છે. 33પોલીસ તપાસમાં જાણવા મળ્યું કે આ શખ્સ બીમાર લોકોને તપાસી, દવાઓ અને ઇન્જેક્શન આપી લોકોના સ્વાસ્થ્ય સાથે ગંભીર બેદરકારી દાખવી રહ્યો હતો. 44
આરોપી અને મુદ્દામાલની વિગત
પોલીસે પાડલા ગામના રહેવાસી નઝીરભાઇ કાલુમિયાં મલેક (ઉ.વ. ૪૫) ની ધરપકડ કરી છે. ઘટનાસ્થળેથી પોલીસને નીચે મુજબનો મુદ્દામાલ મળી આવ્યો છે:
- મુદ્દામાલ: ઇન્જેક્શનો, વિવિધ દવાઓ અને મેડિકલ સાધનો.
- કુલ કિંમત: આશરે રૂ. ૩૨૬૯.૦૫.
કાયદેસરની કાર્યવાહી
આરોપી સામે શંખેશ્વર પોલીસ સ્ટેશનમાં બી.એન.એસ-૨૦૨૩ની કલમ-૩૧૯(૨) તથા મેડિકલ પ્રેક્ટિશનર એક્ટની કલમ ૩૦ મુજબ ગુનો નોંધી આગળની તપાસ હાથ ધરવામાં આવી છે.
ટીમ કામગીરી
આ સફળ કામગીરીમાં એસ.ઓ.જી. પી.આઈ. જે.જી. સોલંકી, પી.એસ.આઈ. ડી.કે. ચૌધરી, એ.એસ.આઈ. શૈલેષકુમાર રામજીભાઇ તથા હેડ કોન્સ્ટેબલ પ્રવિણદાન લક્ષ્મણદાન જોડાયા હતા.
