પાટણ: હેમચંદ્રાચાર્ય ઉત્તર ગુજરાત યુનિવર્સિટી ખાતે રાજ્યપાલ આચાર્ય દેવવ્રતજીના અધ્યક્ષસ્થાને વર્ષ ૨૦૨૬નો ભવ્ય દીક્ષાંત સમારોહ યોજાયો હતો. આ પ્રસંગે વિવિધ ૯ ફેકલ્ટીના કુલ ૫૪,૩૪૬ વિદ્યાર્થીઓને પદવી એનાયત કરવામાં આવી હતી, જ્યારે ૧૫૧ તેજસ્વી વિદ્યાર્થીઓનું ગોલ્ડ મેડલ અને સન્માનપત્રથી બહુમાન કરાયું હતું.
રાજ્યપાલશ્રીના સંબોધનના મુખ્ય અંશ:
- જીવનમંત્ર: વિદ્યાર્થીઓને સત્ય, સંસ્કાર અને જવાબદારીને જીવનના મૂળ મંત્ર બનાવવા આહવાન કર્યું.
- ઋષિમુનિઓનું દર્શન: ભારતીય ઋષિમુનિઓનું જીવનદર્શન અમૂલ્ય છે; ભૌતિકતાની દોડમાં માનવતા ન ભૂલવા ટકોર કરી.
- વિકસિત ભારત: ઈસરોના વૈજ્ઞાનિકોની જેમ એકાગ્રતા કેળવી યુવાનો રાષ્ટ્ર નિર્માણમાં યોગદાન આપે તો જ ‘વિકસિત ભારત’નું સ્વપ્ન સાકાર થશે.
- કર્મ જ ભાગ્ય: ભાગ્ય એ કર્મનું ફળ છે, માત્ર મહેનતથી જ સફળતા મળે છે.
આ પ્રસંગે પ્રથમવાર રાજ્યપાલશ્રીની સહીવાળી ડિગ્રી એનાયત કરવામાં આવી હતી. કાર્યક્રમમાં કુલપતિ કે.સી. પોરિયા, ઈસરોના ડિરેક્ટર નિલેશ દેસાઈ, કલેક્ટર તુષાર ભટ્ટ સહિતના મહાનુભાવો ઉપસ્થિત રહ્યા હતા.
