પાટણ | તા. ૨૪ જૂન
ઐતિહાસિક નગરી પાટણના જન-જનની આસ્થાના પરમ કેન્દ્ર સમાન શ્રી જગન્નાથજી મંદિર ખાતે તાજેતરમાં માનવતા અને પરમાર્થની સુવાસ ફેલાવતો એક અત્યંત પ્રેરણાદાયી અને સુંદર સેવા પ્રસંગ ઉજવાયો હતો. શ્રી જગન્નાથજી મંદિરના મહિલા ભજન મંડળની સેવાદારી બહેનો દ્વારા એક અનોખી પહેલ કરીને પાટણની બહેરા-મૂંગા શાળાના દિવ્યાંગ વિદ્યાર્થીઓને આદરપૂર્વક મંદિરમાં આમંત્રિત કરવામાં આવ્યા હતા અને તેમને પરમ શ્રદ્ધાપૂર્વક ભોજન કરાવીને રાજીપો વ્યક્ત કર્યો હતો.
સનાતન ધર્મમાં દરિદ્રનારાયણ અને અસહાયોની સેવાને જ સાચી પ્રભુ પૂજા માનવામાં આવી છે, ત્યારે ભજન મંડળની બહેનોએ આ સિદ્ધાંતને ચરિતાર્થ કરી બતાવ્યો છે. મંદિરમાં પધારેલા આ નિર્દોષ દિવ્યાંગ બાળકોના ચહેરા પર ભોજન બાદ જે સંતોષ અને સ્મિત જોવા મળ્યું હતું, તેણે સમગ્ર વાતાવરણને ભક્તિમય અને ભાવુક બનાવી દીધું હતું. બહેનોએ માત્ર ભોજન જ ન કરાવ્યું, પરંતુ આ બાળકોને આત્મીયતા અને પ્રેમ આપીને સમાજ સામે પાવન ઉદાહરણ પૂરું પાડ્યું છે.
ભગવાન જગન્નાથજીના ચરણોમાં રહીને કીર્તન અને ભક્તિ આરાધના કરવાની સાથે-સાથે સમાજના આવા વિશેષ બાળકો પ્રત્યે સંવેદના દાખવીને આવી સુંદર અને પ્રશંસનીય કામગીરી કરવા બદલ જગન્નાથ મહિલા ભજન મંડળની તમામ બહેનોને પાટણની ધર્મપ્રેમી જનતા અને સંગઠનો તરફથી ખૂબ-ખૂબ ધન્યવાદ અને સાધુવાદ પાઠવવામાં આવી રહ્યા છે. આપની આ સેવાભાવના અન્ય લોકો માટે પણ પ્રેરણારૂપ બની રહેશે.
